Почитувани Купувачи,

Друштво за производство, трговија и услуги ИВЕТ МАРКЕТ ГРОУП ДООЕЛ Скопје  ( во понатамошниот текст:„ИВЕТ“) од 15.08.2024 година, во согласност со Законот за заштита на потрошувачите и Директивите на ЕУ,  воведува нови правила поврзани со нарачките направени преку  интернет страницата  www.ivet.mk.

 

Поради зголемениот број на направени и испорачани нарачки кои остануваат неподигнати  или одбиени за подигнување од страна на купувачите, со воведувањето на оваа Политика,  ИВЕТ има за цел да ја подигне свеста на купувачот за on – line нарачките (склучување на договор на далечина) и реалните трошоци кои настануваат за трговецот поради ваквото несовесно постапување на купувачот, што доведува до несакани ситуации за двете страни.

Со воведувањето на оваа Политика за достава,  бараме од Вас како купувач внимателно да ги прочитате новите правила за да се запознаете со начинот на креирање на нарачката, како и нејзиното навремено откажување, додолку не сте сигурни или не сте во можност истата да ја подигнете откога ќе бидете контактирани од страна на доставната служба.

 

​I. Креирање и прием на нарачка 

 

Производите се нарачуваат со избирање, користење на менито и пополнување на електронскиот формулар. Купувачот може да го нарача и купи производот како регистриран или нерегистриран корисник. Производот се смета за нарачан кога купувачот ќе го помине целиот процес на нарачка, односно ќе плати за нарачаниот производ или ќе ја избере опцијата плаќање при достава (готовина при прием на пратката).

Во моментот кога е примена нарачката, продавачот ќе го извести купувачот преку електронски средства во форма на е-пошта дека нарачката е примена и рокот за достава на производот.

Нарачаниот производ, во зависност од тоа дали го има во магацин, продавачот го доставува во најкраток можен рок.

Доколку нарачаниот производ не е достапен во магацин, продавачот ќе го информира купувачот дека производот моментално не е достапен, како и за рокот во кој производот бо можело да биде достапен.

 

II. Достава и трошоци

 

Нарачаните производи ги испраќаме како пакет во рок до 10 работни дена од денот на приемот на нарачката или плаќањето доколку производот го има во магацин, или во најкраткиот можен рок доколку е потребно производот да се нарача, во кој случај купувачот по е-маил ќе биде известен за рокот на достава на производот.

По исклучок, поради продажба на поединечен предмет, непредвидени околности, можно е испораката да потрае малку подолго од наведениот рок, за што купувачот ќе биде дополнително известен преку е-пошта.

Доставата се пресметува според ценовникот договорен со доставната служба:

 

 240 ден. Достава

 

Доколку доставната служба ја промени цената за достава, ИВЕТ јасно ќе ја наведе новата цена на веб страната.

Напомена, ИВЕТ не може да влијае на брзината на испорака и можните компликации кои би настанале по превземање на нарачаниот производ од страна на доставната служба.

Доставата се врши на адреса наведена од страна на купувачот при креирање на нарачката.

ИВЕТ не е одговорен во случај купувачот да не ја внесе правилно адресата за испорака, поради која причина пакетот не стигнал до точната дестинација.

ИВЕТ не е одговорен доколку не сте добиле известување за промената на статусот на нарачката/испраќањето на пратката поради поставките на вашата е-пошта, со што ИВЕТ не е должен да се обиде на друг начин да Ве информира за самата нарачка, ниту за сите други детали поврзани со нарачката, испораката, плаќањето, рефундирањето, приговор и слично.

ИВЕТ го задржува правото да не испраќа нарачки со неточни/нецелосни податоци за контакт, како и нарачки со е-пошта/телефонски броеви на кои никој не одговара.

 

III. Навремено откажување на нарачката

 

Доколку не сте сигурни дека може да ја подигнете направената нарачка или не сте во можност истото да го направите,  должни сте навремено да ја откажете Вашата нарачка.

Навременото откажување на нарачката може да го направите на следниот начин:

• преку телефон: 075-374-691 или 075-378-195
• преку е-маил: [email protected]
• со пополнување на формулар за откажување на пратката: https://www.ivet.bg/page/68/kontakti.html

*Секоја нарачка откажана од Вас пред да биде испратена НЕ подлежи на дополнителни трошоци.

 

Неподигнати или одбиени пратки

 

Доколку купувачот направената нарачка преку интернет страницата  www.ivet.mk не ја подигне или одбие да ја прими, ИВЕТ во согласност со Законот за заштита на потрошувачите има право од несовесниот кучувач да побарува надомест за направените трошоци за достава на пратката.

Надоместокот за направените трошоци е во износ од 300 денари, и истиот несовесниот купувач должен е да го плати на следната жиро сметка:

• Носител на сметка: Друштво за производство, трговија и услуги ИВЕТ МАРКЕТ
•                                    ГРОУП ДООЕЛ Скопје  
• Коресподентна Банка: Халкбанк А.Д, Скопје
• Жиро сметка:                270075972820134
• Цел на дознака:           надомест за направени доставни трошоци
• Износ:                            300 ден.

 

Доколку  не постапите согласно наведеното и не го уплатите надоместокот за неподигнати или одбиени пратки, поради што ИВЕТ трпи загуба, ќе бидеме принудени нашите права да ги заштитиме преку поведување на соодветна постапка.

Доколку купувачот кој не ја подигнал пратката, повторно направи нарачка преку интернет страницата  www.ivet.mk, ИВЕТ го задржува правото да ја одбие понатамошна обработка на новата нарачката.

 

Ви благодариме за разбирањето и поддршката.